Bağçasarayda qırımtatarınıñ evinde tintüv ötkerdiler, özüni ROVD idaresine alıp kettiler (video)

Bağçasarayda yanvar 26 künü Rusiyeniñ Qırımdaki FSB hadimleri qırımtatarı Seyran Saliyevniñ evinde tintüv keçirdiler. Soñra özüni Bağçasaraydaki İçki işler organlarınıñ (ROVD) rayon idaresine alıp kettiler. Qırımlı advokat Emil Kurbedinovnıñ sözlerine köre, Seyran Saliyev cemaat faali ola. Onıñ evi yanında, kendisine destek bildirmek içün, qırımtatarları toplaştı. Videonı Qirimli İsa adlı Facebook qullanıcısı izaatlay. Saliyevniñ tuvğanları tintüvniñ tafsilâtını tarif ete. Kreml nezaretindeki Qırım akimiyetiniñ milletlerara munasebetler ve sürgün olunğan vatandaşlar işleriniñ devlet komiteti reisi Zaur Smirnovnıñ sözlerine köre, Rusiye FSB hadimleri Bağçasarayda «Hizb ut-Tahrir» teşkilâtınıñ bölügini yoq etmek içün mahsus operatsiya keçire. (Video: Facebook Qirimli İsa, Server Mustafayev).