Link açıqlığı

Oleg Sentsov apiske alınğan soñ şöyle dedi: – «Men topraqnen beraber berilecek qul degilim». Rusiye akimiyetini bitmegen horlav ve aqaret olaraq qabul etken qırımlılar aynı bunıñ kibi vaziyette qaldı – olarnı bu vatandaşlıqqa zorlap berdiler.

Esas Ukrainağa köçken qırımlılar anda qalğanlarnıñ er kün is etken duyğularını aks ettirmek pek qıyındır. Qısmen tasavvur ete bileler, amma yalıñız bir qısımnı... İşğal çoq sürmez ümütleri yavaş-yavaş ğayıp ola.

Anda qalğanlarnıñ vaziyeti ise qat-qat beterdir: öz toprağında gizli qalalar, işğalcilerniñ akimiyeti altında yaşaylar

Köçip kelgen qırımlılar yañı qaçaq turmuşını abadanlaştıralar, olar Qırımdan uzaq olsa da, tolu nefes ala ve özüni tapa bileler. Zengin olmasa da, serbest bir şekilde, tuvğan şeerinde olmasa da, öz memleketinde yaşaylar. Anda qalğanlarnıñ vaziyeti ise qat-qat beterdir: öz toprağında gizli qalalar, işğalcilerniñ akimiyeti altında yaşaylar. Eski dost, ortaq, semetdeşleri olğan işbirlikçi qırımlılarnen qomşu olmağa mecburlar. Satqınlar er yerde, betlerine baqıp, bir şey de aytıp olamaysıñ, çünki seni çaqmağa er daim azırlar.

Kyivdeki İnqilâp vaqtında Qırımda tınçlıq ve amanlıq edi, bu ise daa qorqunçtır

Hatırlayım, Kyivdeki İnqilâp vaqtında, qurbanları endi bar edi, maşinalar yana ve «tituşkalarnıñ» avtobusları qatnay edi, nasıl olsa da Kyiv Aqmescitten qat-qat şeñ ve öptimistik edi. Qırımda o vaqıt tınçlıq ve amanlıq edi, bu ise daa qorqunçtır. Aqşam evge qaytqanda qapunıñ ögünde bir pusu bekleysiñ. Qırımlı dostlarım bir qaç yıldan berli böyle yaşay.

Qırımlılar başqa vaziyetke oğradı – olar saqlanalar. Olar bir şey yapmayıp, devletniñ gizli duşmanları olğanlar

Rusiyede şimdi mod bir şey bar – «iç icretke» ketmek. Misal olaraq, Kalugada yaşaysıñ, amma oña sanki uzaqtan baqasıñ. Seni alâqadar etmez kibi. Qırımlılar başqa vaziyetke oğradı – olar saqlanalar. Olar bir şey yapmayıp, devletniñ gizli duşmanları olğanlar. Çünki bir devlet yerine birden başqa devlet keldi. Amma bu büyük mertlik talap ete – Qırımda yaşamaq!

İvan Ampilogov, rus yazıcısı, qırımlı, ATO iştirakçisi

«Bloglar» rubrikasında bildirilgen fikir-tüşünceler müelliflerniñ noqtaiy-nazarını aydınlatıp, muarririyetniñ baqışları ile aynı olmaması mümkün

XS
SM
MD
LG