Rusiye Yuqarı mahkemesi «Hizb ut-Tahrir davasınıñ» şikâyetini red etti (video)
Rusiye Yuqarı mahkemesi dekabr 27-de «Hizb ut-Tahrir davasınıñ» üç şahsı Ferat Sayfullayev, Rustem Vaitov ve Nuri Primovnıñ şikâyet arizalarını red etti. Ruslan Zeytullayevniñ işi ğayrıdan baqılacaqtır. Rostov-na-Donu şeerindeki Şimal-Kavkaz bölge arbiy mahkemesi sentâbr 7-de ükmüne seslendirgen edi. Mahkeme qararına binaen, Aqyarlı Ruslan Zeytullayev Rusiye akimiyeti tarafından «Hizb ut-Tahrir» teşkilâtınıñ bölügini qurması ile qabaatnıp 7 yılğa qadar apiske alındı, Ferat Sayfullayev, Rustem Vaitov ve Nuri Primov beş yıl apis cezasını alğanlar.