Link açıqlığı

Kreml kontrol etken Aqmescitniñ Yuqarı mahkemesi dekabr 5-de «Çiygoz davasınıñ» daa bir oturışını teneffüsten başladı. Bunı Rusiye advokatı Nikolay Polozov Twitterde bildirdi.

«Çiygoz davasınıñ» mahkeme esnası 15 daqqalıq teneffüsten başladı – prokuror keç qala», – dep yazdı advokat.

Polozovnıñ aytqanına köre, prokuror mahkemege keldi ve toplaşuv başladı.

«Prokuror keldi, delillerni tedqiq etüv tertibini deñiştirmege ve yazılı malümatnı aydınlatmağa rica ete», – dep qayd etti advokat.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG