Link açıqlığı

Qırımdaki siyasiy mabuslarnıñ ballarına yardım sermiyalarını Kyivte ötkerilecek hayriye aktsiyasında toplaycaqlar


Kyivte 11 dekabr künü 4-saatlıq hayriye aktsiyası keçirilecek. «Ruka Pomoşi» (Yardım Eli) aktsiyası Halqara insan aqlarınıñ qoruma Kününe bağışlanılacaq. Aktsiya devamında toplanılğan sermiyalar Qırımdaki siyasiy mabuslarnıñ ballarına yollanılacaq. Merasimniñ keçirilecegi aqqında, Facebook saifesinde, Ukraina prezidentiniñ qırımtatar halqınıñ işleri boyunca vekili Mustafa Cemilev ilân etti.

Aktsiya çerçivesinde çeşit-türlü master-klasslar: çölmekçilik sanatı, qınalama, vatanperver örüvler, ve qırımtatar qadın fesleriniñ azırlanılması. Bundan ğayrı, qırımtatar yemekleriniñ, qırımtatar alâmetlerinen işlenilgen suvenirler yarmalığı ve foto sergi teşkil etilecektir.

Aktsiyada iştirak etmek içün Ukraina millet vekilleri, cemaatçı, göñülliler ve yarımadada insan aqlarınıñ vaziyetine pervasızqalmağan er kimse davet etile, dep yazıla bildirüvde.

Aktsiya Ukraina Milliy parlament kitaphanesinde: M.Gruşevskiy soq., 1 adresi boyunca ötkerilecek, saat 11.00 başlanacaq.

XS
SM
MD
LG