Link açıqlığı

Saatnıñ esas haberi

Ukraina Qırım ile memuriy sıñırda raketa ateşlerine başladı


Resim
Resim

Cumaaqşamı künü, dekabr 1-de, ukrain arbiyleri Qara deñiz suvları üzerinde raketa ateşiniñ talimlerine başladı. Bunı Rusiye Qara deñiz flotunıñ matbuat hızmeti bildire.

«Rusiye Qara deñiz Flotunıñ gemilerini deñizge çıqardı, olar Qırımnıñ ğarbiy yalısında yer alıp, yarımadanıñ ava mudafaasını temin eteler», – dep aytıla haberde.

Ukraina silâlı quvetleriniñ «Cenüp» ava komandanlığınıñ matbuat merkezi talimler başlağanını tasdıqladı.

«Ateş başladı, er şey planğa köre keçirile», – dep ayttı «Cenüp» ava komandanlığınıñ matbuat zabiti Vladimir Krıjanovskiy.

Ukraina Arbiy-ava quvetleri komandanlığı merkeziniñ yolbaşçısı Roman Yurçilo qayd etti ki, raketalar Qırımnıñ ava boşluğından 30 kilometr mesafede buluna. Onıñ aytqanına köre, ukrain arbiyleri öz toprağı üzerinde talimlerni keçire.

Noyabr 30-da «Zerkalo nedeli» neşiri Ukraina Mudafaa nazirligindeki qaynaqlarına esaslanıp, Rusiye tarafı ukrain raketalarını tüşürecegini bildirdi, dep yazğan edi. Bu malümat resmiy şekilde daa tasdıqlanmadı.

Neticede Rusiye Tışqı işler nazirligi Ukraina akimiyeti işğal olunğan Qırım ile sıñırında planlaştırğan raketa ateşleri «provokatsiya» ola dep, Moskva «sert bir şekilde cevap berecegini» aydınlattı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG