Link açıqlığı

Halqara para fondu 2016 senesi Rusiyeniñ İçki ğayrı safi mahsulat kölemi 0,6% eksilgenini bildirdi. Bunı Radio Svoboda haber ete.

Lâkin fondta, 2017 senesi Rusiye iqtisadiyatı ğayrıdan tiklenecegini bekleyler.

HPF hadimleri bu aynıñ başında Moskvanı ziyaret etken ediler ve olarnıñ tahminleri 29 noyabrde beyan etildi.

Halqara para fondunda deyler ki, Rusiyeniñ iqtisadiyatı eki darbe aldı – yermay fiyatları ve ğarbiy yaptırımlar, lâkin «qara altınnıñ» fiyatı paalılaşacaq ise, 2017 senesi iqtisadiyat köterilecektir.

Tahminlerge köre, yılnıñ soñunda inflâtsiya 5,6% qadar eksilip, 2017 senesi eksilmege devam etecektir.

Fondta bildirdiler ki, Rusiyede «bücet sağlamlaştırması» devamlı struktura islâatlarına tayanmaq kerek. Mesele pensiya islâtınen, bergilernen, devlet ve şaysiy yatırımlarnıñ qorulmasınen beraber subsidiyalarnıñ berilmesinen bağlı.

XS
SM
MD
LG