Link açıqlığı

«Simferopol» ava limanında yañı terminalnıñ çerçevesini qurup başladılar – matbuat-hızmeti


Tasviriy resim: «Simferopol» ava limanınıñ beklenti salonı

Aqmescitte ava liman kompleksiniñ qurulacaq terminalı içün vertikal inşaatlar başlanğanı haber etile. Şimdiki vaqıtta binanıñ çerçevesi qurula. Noyabr 29 künü «Simferopol» ava limanınıñ matbuat-hızmeti, 0.000 nişanı endi keçilgenini bildirdi.

Vertikal yapılarnıñ kölemi endi 1,7 biñ kubometrden çoqça. İşler gece-kündüz alıp barıla, dep haber ettiler matbuat-hızmetinde.

Rusiye milliy ticaret bankı (RNKB) avgust ayında «Simferopol» ava limanında kredit aqımı açılğanını beyan etken edi. Yañı terminal içün kredit sermiyaları 13,98 mlrd. rublege qadar yetmek mümkün ve 15,5 yılğa sozula bile.

XS
SM
MD
LG