Link açıqlığı

Memuriy sıñırda qırımtatar artistleriniñ tutılmasını Kyivte «Vatan sesi» kontsertinde iştirak etkenlerinen bağlaylar


29 noyabr künü Rusiye sıñır bekçileri Qırım ile qıtaiy Ukraina arasındaki memuriy sıñırda qırımtatar artistleriniñ yaqalanmasını Kyivte ötkerilgen «Vatan Sesi» kontsertinde iştirak etkenlerinen bağlaylar. Böyle fikirni Qırım.Aqiqatqa Qırımtatar Milliy Meclis reisiniñ muavini İlmi Umerovnıñ qızı – Ayşe Umerova seslendirdi.

Tutulğanlar arasında Hip-Hop Qırım taqımınıñ azaları (Seyran Halilov, Eskender Çatalov, Osman Cemalâdinov), yırcı Reana Tarkova, ve kontsertte iştirak etken ösmür qız Adile Absairovanıñ anası – Ayşe Absaitova.

«Olarnı suvuqta tuttılar, ve nevbetnen sorğudan keçire ediler. Subet protokol ile ötkerile edi. Episi olarnı aman-aman 4 saat tuttılar», – dedi Ayşe Umerova.

Memuriy sıñırda Aliye Degirmenci de - «26 fevral» işi boyunca apiske alınğan Mustafa Degermenciniñ anası tutılğan edi. Rus sıñırcıları onı eki saat tuttılar ve bir sıra umumiy sualler soradılar.

27 noyabr künü Kyivte «Vatan sesi» qırımtatar kontserti keçirilgen edi, onda Kyivte ve işğal etilgen Qırımda yaşağan qırımtatar yırcıları iştirak etti. Kontsertten ögüne yarımadadaki işğalci akimiyet, Qırımda yaşağan bir-çoq qırımtatar artistlerini çeşit basqılarnen qorquta edi.

XS
SM
MD
LG