Link açıqlığı

Qırımda yaqalanğan artistler yarımadağa alınğanını bildireler


Qırım ile memuriy sıñırda tutılğan artistlerni yarımadağa yiberdiler. Bunı noyabr 29 künü Qırımtatar Milliy Meclis azası Eskender Bariyev öz Facebook saifesinde bildirdi.

«Bütün artistlerni yiberdiler», – dep yazdı Bariyev.

Bundan evel «15 minut» saytı Qırım ile memuriy sıñırnı keçken qırımtatar artistlerini Rusiye Federal telükesizlik hızmetiniñ hadimleri tuttılar, dep bildirdi.

Noyabr 27 künü Kyivde «Vatan sesi» qırımtatar kontserti keçirilgen edi, anda Kyivde ve işğal etilgen Qırımda yaşağan qırımtatar yırcıları iştirak etti. Kontsert ögüne yarımadadaki işğalci akimiyet Qırımda yaşağan bir çoq qırımtatar artistini çeşit basqılarnen qorquta edi.

XS
SM
MD
LG