Link açıqlığı

Saatnıñ esas haberi

Rusiye Kanadanıñ Devlet dumasınıñ Qırım deputatlarına qarşı kirsetken cezalarına cevap berdi


Kanada tarafından Rusiyege qarşı ceza cedveliniñ kenişletilmesi dostluqqa zıt kelgen bir adım, oña cevap berilecektir. Bunı noyabr 29-da Ottawadaki Rusiye diplomatik missiyasınıñ matbuat kâtibi Kirill Kalinin bildirdi, dep haber ete TASS.

«Kanada akimiyetiniñ Rusiyeniñ resmiy şahısları ve deputatlarına qarşı ceza cedvelini kenişletmek qararından kederlendik. Bu, şübesiz, soñki vaqıtları endi-endi eyilişmege başlağan Rusiye-Kanada munasebetlerine menfiy tesir eter», – dep ayttı diplomat.

Kalinin qayd etti ki, «Rusiye tarafı bu dostsız adımğa emiyet berip, lâyıq bir şekilde cevap berecek».

Tünevin Kanada ükümeti Rusiyege qarşı ceza cedvelini kenişletti. Kanada Tışqı işler nazirliginiñ malümatına köre, onıñ içine 15 insan, şu cümleden Qırımda saylanğan Devlet dumasınıñ 6 deputatı kirdi.

Noyabr ayında AQŞ, Avropa Birligi ve İsviçre Qırım deputatlarına qarşı cezalar kirsetken edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG