Link açıqlığı

Saatnıñ esas haberi

Suşçenkonıñ apis cezası eki ayğa qadar uzatıldı – advokatı


Kyivde Roman Suşçenkoğa qoltutuv mitingi. Arhiv fotoresimi
Kyivde Roman Suşçenkoğa qoltutuv mitingi. Arhiv fotoresimi

Moskvanıñ Lefortovo mahkemesi noyabr 28-de ukrain jurnalisti Roman Suşçenkonıñ apis cezasını eki ayğa qadar uzattı. Bunı advokatı Mark Feygin Twitterdeki saifesinde bildire.

«Lefortovo mahkemesi Roman Suşçenkonıñ apis cezasını 2017 senesi yanvar 30 kününe qadar uzattı», – dep yazdı Feygin.

Lefortovo mahkemesi yanvar 28-de prokuror muracaatı ile mahkeme oturuşını qapalı şekilde keçirmege qarar aldı.

Ukrain jurnalisti, «Ukrinform» agentliginiñ Frenkistandaki mühbiri Roman Suşçenko 2016 senesi sentâbr 30-da Moskvağa soy-soplarını ziyaret etmege kelgende yaqalanğan edi. Rusiye Federal havfsızlıq hızmeti onı casuslıq yapqanı ile qabaatlap, «Ukraina Mudafaa nazirliginiñ Baş istihbarat idaresiniñ hadimi» olğanını ayttı. Mahkeme jurnalistni eki ayğa qadar apiske alğan edi.

Ukraina Mudafaa nazirligi jurnalistniñ istihbarat ile alâqası olğanını kesen-kes red etti. Roman Suşçenko ise qabaatını tanımay.

XS
SM
MD
LG