Link açıqlığı

Qırımnıñ İçki rayonındaki Üç Quyu (Vostoçnoye) köyünde cami qurulacaq, dep bildire noyabr 28-de Qırım ve Aqyar musulmanları diniy idaresiniñ matbuat hızmeti.

«Al-azırda diniy bina leyhası azırlana. Leyha müellifleri onı 2017 senesi yanvar ayına qadar azırlamağa vade eteler. İlk malümatqa köre, cami 120 insannı sığdıracaq. Qurucılıqnıñ tahminiy fiyatı aman-aman 4,5 mln. rubleni teşkil etecek. Cami qurucılığınıñ teşebbüsçileri sponsorlarnıñ sermiyasını celp etmege ümüt etip, qurucılıqqa kösterilecek er angi yardımğa quvanırlar», – dep aytıla haberde.

Sermiya leyha tasdıqlanğan soñ toplanacaqtır.

Aqmescitte 2015 senesi sentâbr ayından itibaren Cuma cami qurula. Kreml kontrol etken yarımada akimiyeti bildire ki, qurucılıq eñ az 3 yıl devam etecek.

XS
SM
MD
LG