Noyabr 27 künü Qarasuvbazarda kazak atamanlarınıñ toplaşuvında, iştirakçiler kazak atamanlarınıñ Koordinatsion şurasını teşkil etilmek fikirine qol tuttılar, dep haber ete Qırım.Aqiqat muhbiri.
«Koordinatsion şuranıñ maqsadı Qırım kazaklarını bir sancaq astına qoymaq degil. Maqsadı – kazak cemiyetleriniñ munasebetlerini qurmaq ve faaliyetni bir arağa ketirmek», – dep bildirdi toplaşuvnı teşkil etken ataman Sergey Akimov.
Onıñ malümatına köre, Qırımda resmiy olaraq 89 kazak cemaat teşkilâtı çalışmaqta.
Bundan ğayrı atamanlar Bütün Qırım kazak tögereginiñ teşkil etilmesi boyunca iş gruppasını muzakere ettiler, kazak cemiyetleri tarafından bayram ve merasimlerniñ plan etilmesini qonuştılar, ve kazaklarnıñ gençler ile çalışmalarınıñ yöñelişini belgilediler.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
