Link açıqlığı

Qırımtatar Milliy Meclis azası Eskender Bariyev noyabr 26 künü Cenevrede, İnsan aqları boyunca komitetniñ BMT milliy azlıqlar Forumında maruza ile çıqışta bulundı. Öz çıqışında o Rusiye tarafından işğal etilgen yarımadada qırımtatarlarqa qarşı yapılğan basqılarnı aydınlattı, dep haber ete Qırım Haber Agentligi.

O dedi ki, şimdi Rusiye, işğal etilgen Qırımda ealini deñiştirmek içün mahsus siyaset alıp bara, bu ise Cenevre Konventsiyasına qarşı kele.

«1949 senesi qabul etilgen dörtünci Cenevre Konvantsiyasına qarşı çıqıp, ealini deñiştirmek içün siyaset alıp barıla. Bizim malümatımızğa köre, Qırımğa Rusiyeden 120 biñden ziyade insan ketirildi, bunen beraber tahminen 27 biñ insan çıqtı ve Ukranda resmiy olaraq muacir olaraq qayd etildi. Soñki vaqıa – bu qırımtatar faali Nedim Halilovnıñ Qırımdan çıqarılması, o şimdi Krasnodar vilâyetinde buluna ve narazılıq bildirip açlıq ilân etti», – dedi Bariyev.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

XS
SM
MD
LG