Link açıqlığı

Qırım içün dizel-generatorlarınıñ küçü yetişmemek mumkün


Dizel-generator sistemalarınıñ küçü, eñ büyük kölemde energiya kerek olğanı vaqıtta, Qırımnı elektriknen teminlemek içün yeterli olmay bile. Bunıñ içün qazaiy vaziyetlerde qoşma energiya menbaaları qullanılacaq.

Bunı Kreml kontrolündeki «Sistemnıy operator» (Rusiyeniñ yekâne energetik sistemasınıñ dispetçeri) idare yolbaşçısı Boris Ayuyev beyan etti, dep haber ete «Novosti Krıma».

Onıñ sözlerine köre, Qırımda 383 dizel-generatorları çalışmaqta, olarnıñ küçlügi – 144 MVt teşkil ete, lâkin olarnıñ teşkerilüvi ötkerilgende, 134 generator çalışmağanı ya da yoq olğanı belli oldı.

Soñra o qayd etti ki, 383 generator – qazaiy vaziyetlerde degil de, normal rejimde elektriknen teminlemek içün ayırılğan edi.

«Qaza yüz berse, eki biñden ziyade generator ve yedek menbaalar qullanılacaq», – dedi Ayuyev.

Sentâbr ayında Kreml kontrolündeki Aqyar akimiyeti, şeer qışta elektrik enegiyasınıñ yetişmeycegine rast kelmeycegini beyan etken edi.

XS
SM
MD
LG