Link açıqlığı

Qırımtatar Milliy Meclis azası Mustafa Mauşevke Rusiye kontrolündeki Qırım mahkemesi tarafından para cezası tainlendi. Bu 24 noyabrde Facebookta Qırımtatar Milliy Qurultayınıñ Merkeziy saylav komissiya reisi Zair Smedlâyev haber etti.

«Tünevin Bağçasaray rayon mahkemesi Mustafa Mauşevke, Rusiye Federatsiyasında yasaq etilgen teşkilâtnıñ, Qırımtatar Milliy Meclisiniñ faaliyetinde iştirak etkeni içün, 750 ruble miqdarında para cezasını tainlendi», – dep yazdı Smedlâyev.

Oktâbr 14 künü Kremliniñ kontrolündeki Bağçasaray rayon mahkemesi Qırımtatar Milliy Meclis azası Emine Avamilevağa para cezasını tainlegen edi. Bundan ögüne Meclis reisiniñ muavini İlmi Umerovğa ve daa bir Meclis azası – Ali Hamzinge para cezaları berilgen edi.

Rusiyege bağlı olğan Qırım Yuqarı Mahkemesi aprel 26 künü Meclisniñ areketini toqtatmaq qararını alğan edi. Dünya toplulığı rus akimiyetiniñ böyle faaliyetine qatiyen qarşı çıqtı. Meclisniñ imayesi Rusiye Yuqarı Mahkemesine şikâyet arizasını yollağan edi.

Sentâbr 29-da Rusiye Yuqarı Mahkemesi şikâyet arizasına cevap olaraq, Qırımtatar Milliy Meclis areketiniñ yasaqlanmasını tasdiqladı.
Ukrainı Tışqı işler nazirligi (TİN) Ukrain vatandaşları işğal olunğan Qırımda taqip etilgenlerinden raatsız olğanını beyan etip, basqılarnı toqtatmapa çağırdı. Bunen beraber TİN Dünya toplulığına muracaat etip, bütün mumkün olğan siyasiy ve uquqiy çareler ile Rusiyege tesir etmege, onıñ totalitar usullarnen insan aqları ve söz serbestligini yoq etmesini toqtatmağa, ve apis etilgen ukrain siyasiy mabuslarnı ve esirlerni azat etmege çağırdı.

XS
SM
MD
LG