Link açıqlığı

Rusiye prezidenti Vladimir Putin, «Rusiyeniñ sıñırı bir yerde bitmegenini» beyan etti. Bunı 24 noyabrde Radio Svoboda haber ete.

Rusiye joğrafiya cemiyetiniñ premiyasını taqdim etilgeni vaqıtta prezident, coğrafiya boyunca TV yarışında ğalebe qazanğan doquz yaşındaki baladan Rusiyeniñ sıñırları aqqında soradı.

Miroslav Osihorko, Rusiyeniñ sıñırı «AQŞ ile Bering boğazında» bitkenini aytqanda, Putin, devlet sıñırınıñ soñu olmağanı aqqında şaqa etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG