Avropa parlamenti, Avropa Birliginiñ devletlerine yöñelgen Rusiye ve DAİŞ tarafından yapılğan propagandağa qarşı rezolütsiya qabul etti. Bunı Radio Svoboda haber ete.
Poloniyalı deputat Anna Elżbieta Fotyga tarafından teklif rezolütsiya leyhasında, ayrıca, Rusiye akimiyeti RT ve Sputnik agentligi kibi kütleviy haber vastalarını qullanıp, ve Rossotrudniçestvo ile «Russkiy mir» fondu vastası ile, Avropa Birliginde propagandasını alıp barıp, AB ittifağını zayıflaştırmağa, bazı siyasiy küçlerge tesir etmege tırışa ve AB ealisinde, onıñ şarqiy qomşuları, hususan Ukraina aqqında yaramay tüşünceler tarqatmağa areket ete.
Rezolütsiyada qayd etile k bu maqsatlarda Rusiye akimiye ya da onnen bağşı olğan strukturalar keñiş surette internetni, şu cumleden içtimaiy ağlarda «trollerni» qullanalar. AB devletlerine rus propagandasına qarşı küreşte küçlerini birleştirmege teklif etile.
Rezolütsiyağa 304 deputat qol tuttı, 179 qarşı çıqtı, daa 208 bitaraf oldı.
Ukraina Haber siyaseti naziriniñ mesleatçısı Yüliya Kazdobina, 22 noyabrede beyan etti ki, Qırımda mevcüt olğan vaziyetniñ neticesine sadece Rusiye propagandası tesir etmedi. İşğalden ögüne Qırım sakinleri siyasiy malümatnıñ ekseriyetini ukrain haber vastalarından ala edi.
