Link açıqlığı

Saatnıñ esas haberi

Jamala «Söz» yırınıñ klipini taqdim etti


Jamala
Jamala

Qırımtatar asıllı ukrain yırcısı Jamala «Söz» («Obeşçaniye») yırınıñ klipini taqdim etti. Bunı noyabr 22-de yırcınıñ matbuat hızmeti Facebookta bildirdi.

«Video Yelena Demyanenkonıñ «Moya babuşka Kaplan» bediiy filminiñ levhalarına esaslandı. Klip rejisseri Denis Zaharov oldı, o, Jamalanıñ «Kaktus» ve «Poçemu tsvetı imeyüt glaza» videoları üzerinde çalışqan edi», – dep qayd etti matbuat hızmeti.

Oktâbr soñunda «Söz» yırı «Moya babuşka Fanni Kaplan» filminiñ muzıkası oldı. Levha Fanni Kaplannıñ XX asırnıñ Rusiye imperatorlığında inqilâp vaqialarınıñ zamanını tasvir ete. Fanni Kaplan tarihta Vladimir Leninge ücüm etken biri olaraq qaldı.

Jamala «Eurovision-2016» yır yarışınıñ ğalibi oldı, yarış finalı İsveçiyanıñ paytahtı Stockholmde mayıs 15 gecesi olıp keçti. Qırımlı qırımtatar sürgünligini añlatqan «1944» yırı ile çıqışta bulunğan edi. Yarış qaidelerine köre, 2017 senesi yarışnı Ukraina qabul etecek. «Eurovision-2017» Kyivde keçirilecektir.

XS
SM
MD
LG