Link açıqlığı

Ukraina prezidenti Petro Poroşenko Birleşken Milletler Teşkilâtınıñ yuqarı komissarı Filippo Grandini Donbasstaki gumanitar vaziyetke qıymet kesmege ve Rusiye işğal etken Qırımda qırımtatarlarnı qorçalamağa çağırdı. Bunı noyabr 21-de Ukraina devlet yolbaşçısınıñ matbuat hızmeti bildire.

Matbuat hızmeti qayd ete ki, prezident yuqarı komissarnıñ Ukraina ziyareti oña Donbasstaki vaziyet ne qadar qıyın olğanını añlamağa yardım eter. Poroşenko dedi ki, bütün mesüliet Rusiyededir.

«Poroşenko Grandige muracaat etip, qırımtatarlarnıñ Rusiye işğal etken Qırımda rastkelgen ciddiy problemlerge diqqat ayırmağa rica etti», – dep aytıla haberde.

Poroşenko emin ki, bu ziyaret Ukraina ve BMT qaçaqlar meselelerinden yuqarı komissarınıñ İdaresi arasında işbirligi ve yardımlaşmanı pekitir.

«Bizler Ukrainanıñ BMT qaçaqlar meselelerinden yuqarı komissarınıñ İdaresi ile işbirligi seviyesinden memnünmiz ve bu zor zamanlarda devletimizge kösterilgen yardım içün minnetdarmız», – dedi prezident.

«Filippo Grandi ile Kyivde Ukraina baş naziri Vladimir Groysman da körüşti. Baş nazir Qırım Muhtar Cumhuriyetinde insan aqlarına riayet etilmesini nezaret etmek içün mahsus missiyanı yollama imkânını baqmağa rica etti», – dep bildirdi ukrain ükümetiniñ matbuat hızmeti.

Grandi Ukraina ziyareti çerçivesinde memleketniñ şarqına baracaqtır.

Soñki 20 yıl içinde BMT qaçaqlar meselelerinden yuqarı komissarınıñ Ukraina ziyareti ilk ola.

XS
SM
MD
LG