Link açıqlığı

Ukraina prezidentiniñ qırımtatar halqınıñ işleri boyunca vekili, deputat Mustafa Cemilev iş ziyareti ile Türkiyede buluna. Bunı noyabr 21 künü Facebookta haber ettiler.

«Mustafa Cemilevniñ ukrain parlament vekillerinen birlikte Türkiyede ötkergen ziyareti Türkiye Cumhuriyetiniñ yolbaşçılarınen bir-sıra körüşüvlerden ibaret. Türkiye liderleri Ukrainanıñ topraq bütünligini desteklep, Rusiyeniñ tecavuzını ve Qırım ile Donbassnıñ qısımını işğal etkenini tenqitleyler», – dep aytıla bildirüvde.

Bundan ögüne Ukrainanıñ Türkiyedeki elçihanesi qomşu memleketke «istiqrarlıq ve qattılıq ile Qırım sakinlerine destek bergeni içün» teşekkür bildirdi. 21 noyabrde böyle beyanatnı Urkainanıñ Türkiyedeki elçiligi Facebookta yerleştirdi.

Elçihanede qayd ettiler ki, NATO toplaşuvında Türkiye prezidenti Recep Tayip Erdoğannıñ böyle sözleri ketirile: «Bizler içün Ukrainanıñ topraq bütünligi printsipi başından berli deñişmey edi. Biz Qırımda qırımtatarlarnıñ aqqalrınen bağlı vaziyetni devamlı taqip etmektemiz».

XS
SM
MD
LG