Link açıqlığı

Saatnıñ esas haberi

Sankt-Peterburgda faaller qırımtatarlarğa qoltutmağa çıqtı


Örnek resim
Örnek resim

Sankt-Peterburgda noyabr 18-de qırımtatarlarğa qoltutuv aktsiyaları olıp keçti. Teşkilâtçılarınıñ bildirgenine köre, bu aktsiya şeerde er ay ötkerilecektir. Tedbirlerni farqlı demokratik firqa ve areketlerniñ falleri teşkil etmege teklif ettiler, dep aytıla «Sankt-Peterburg birdemligi» teşkilâtınıñ Facebook saifesinde.

«Aktsiyağa «Strategiya 18» adını berdik, 1944 senesi mayıs 18-de bu halq yarımadadan sürgün etilmege başladı. Bizler halqara toplulıq kibi eminmiz, Qırım işğal etilgen topraqtır. Qırımtatarlarğa yapılğan repressiyalarnıñ sebebi – yarımada işğalini tanımamalarıdır», – dep ayta teşkilâtnıñ reisdeşi Olga Smirnova.

Teşkilâtçılar dey ki, soñki vaqıtları Rusiye uquq qoruyıcıları Sankt-Peterburgdaki bir kişilik aktsiyalarğa bir şey demey, amma bu daa ne qadar devam etecek aytıp olamaylar.

«Yüregim sızlay, evge kelip, qorqunç haberlerni oquyım. Amma qorqmaymız, biz aqlımız ve bütün dünya bizge qoltuta», – dep ayta aktsiya iştirakçilerinden biri.

Rusiyeniñ Qırım işğalinden soñ qırımtatarlar yarımadada Rusiye akimiyetini tanımadı. Böylece, Qırımnıñ şimdiki akimiyeti ve uquq qoruyıcıları olarğa qarşı basqı yapmağa başladılar. Dünya toplulığı Qırımda insan aqlarını qorçalamağa çağıra, Rusiyeden ise yarımadada insan aqlarına riayet etmesini talap ete.

Qırımda bir sıra mahkeme esnası keçirile, tintüv ve apis cezaları devam ete. Uquq qorçalayıcılar Rusiye akimiyetiniñ Qırımda yapqanları «siyasetnen bağlıdır» deyler.

2014 senesi mart 20-de Yuqarı Rada qırımtatarlarnı Qırımnıñ tamır halqı olaraq tanıdı. Buña 283 deputat qotuttı.

Ukraina qırımtatarlarğa Ukrainanıñ tamır halqı olaraq etnik, medeniyet, til ve din kimliginiñ inkişaf etmesi ve saqlap qalmasını kefil etmektedir.

XS
SM
MD
LG