Estoniyada Qırımtatar Milliy Meclis azaları estoniyalı siyasetçi, «Ukrainanıñ ve qırımtatar halqını dostı» Tunne-Väldo Kelam ile körüştiler. Bunı Facebookta Ukraina haber siyaseti naziriniñ birinci muavini Emine Ceppar bildirdi.
«Trihiy şahıs, 80-ci yıllarda Estoniyanıñ azatlıq küreşiniñ yetekçilerinden biri – Tunne Kelam işe körüşüv. Bügün o Avropa Parlamentinde Estoniyanı temsil etken deputat, eñ büyük gruppa EPP – halq firqasınıñ azası. Tunne Mustafa Cemilevniñ Saharov adına mukâfatqa namzet olaraq teklif etilmesiniñ teşebbüsçisi ve tarafdarı edi. Tunne dey ki, namzetniñ teklif etilmesi – Mustafa Cemilevniñ şahsiyetine ve onıñ sayesinde Qırım işğali ve insan aqlarınıñ bozulmasına diqqat celp etmek içün yapılğan edi. Tunne Mustafa Cemilevni dekabrniñ ortasında Strasbourgqa davet etti», – dep bildirdi Ceppar.
O qayd etti ki, Tunneni eminliknen «Ukrainanıñ ve qırımtatar halqınıñ büyük dostı» olaraq tanıtmağa mumkün.
«Öz yerinde bulunıp, bügün o Qırım meselesi diqqatnıñ celp etilmesine kefil ola. Onnen birlikte Qırımnen alâqalı bir-qaç leyhanı muzakere ettik, Tuneniñ destegi ğayet müimdir», – dep yazdı Emine Ceppar.
2016 senesi Cemilev Saharov mukâfatına namzet olaraq teklif etilgen edi, lâkin onı, DAİŞ esaretinden qurtulıp, yezidler cemiyeti ve qadılarnıñ aqqları içün küşken Nadia Murad ve Lamiya Aci Başar qazndılar.
