Link açıqlığı

Cenübiy Osetiyada Rusiye arbiy baza binalarıñ qurulışı yekünlendi


Gürcistan ve özüni ilân etken Cenübiy Osetiya arasındaki sıñır, 14 iyül 2015 senesi

Özüni ilân etken Cenübiy Osetiya cumhuriyetinde yerleşken, Cenübiy arbiy okrugnıñ bazasında arbiy infrastruktura binalarınıñ qurulışı yekünlendi. Bunı, CAO matbuat hızmetine atıf etip, Eho Kavkaza haber ete.

«Dekabrniñ ortasında üç 16-daireli 2-qatlı mesken ev, 90 balalıq mektep ve 70 balalıq bala bağçası. Park bölügi ve yeşillikler abadanlaştırıldı», – dediler matbuat hızmetinde.

Qayd itile ki, Rusiye bazasında, episi olıp, arbiy infrastrukturağa ait 43 obyekt qurulması beklenile. Olar arasında mesken evler, asker ve ofitser yataqhaneleri, bala bağçaları, mektepler, oqutuv sınıfları, bekçi odaları, kiriş-çıqış noqtaları, amamlar, anbarlar ve arbiy tehnika içün meydan ve angarlar.

Rusiye ile Gürcistan arasında 2008 senesi arbiy dava yüz bergen soñ Rusiye özlerini vumhuriyet olaraq ilân etken Abhaziya ve Cenübiy Osetiyanıñ «mustaqilligini» qabul etti. Tbilisi ve Ğarp bu regionlarnı Gürcistannıñ topraqları olaraq tanıy. Moskva o yerlerde biñlerce askerlerini tuta.

XS
SM
MD
LG