Link açıqlığı

Sankt-Peterburgda noyabr 18-de qırımtatarlarğa qoltutuv aktsiyasınıñ keçirilmesi planlaştırıla. Bu aqqında Facebookta Sankt-Peterburg Birdemligi saifesinde aytıla.

«Er aynıñ 18-inci künü şeerimizniñ soqaqlarına qırımtatarlarğa qoltutmaq içün çıqacaqmız», – dep aytıla ilânda.

Teşkilât qayd ete ki, aktsiya künü tesadufen saylanmadı.

«1944 senesi mayıs 18-de facia oldı. Qırımtatarlarnı sürgün etmege başladılar. Ayvan vagonlarında erkek ve qadın, qartı ve yaşı bar edi. Bir çoq yolda ve ğurbette can berdi. On yıllar soñra qırımtatarlar evine qaytıp oldılar. Er kes avdet olmadı: yalıñız sağ qalğanlar. Halqnıñ sürgünligi – genotsid, insanlarnı etnik sebeplerden yoq etüvdir», – dep aytalar teşkilâtçılar.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG