Link açıqlığı

Aqmescitte noyabr 16 künü «Çiygoznıñ işi» boyunca nevbetteki mahkeme toplaşuvında eki şaat sorğudan keçti, ve prokuror yazılı şekilde ketirilgen delillerni ketirdi. Bunı videomuracatta qabatlanğanınıñ advokatı Nikolay Polozov seslendirdi.

«Öyleden evel eki şaat sorğudan keçti, olardan biri fevral 26 künü miting zamanında Ukraina İçki işler nazinliginiñ hadimi Marlen Asanov edi. Ahtem Çiygoz aqqında bir şey bilmey, onı şahsen körmedi», – dep izaatladı advokat.

Ekinci şaat – «narodnoye opolçeniye» azası Nikolay Bruja. O da Ahtem Çiygoznı körmegenini ayttı.

Polozovnıñ aytqanına köre, öyleden soñ şaatlar kelmegenleri belli oldı. Bundan soñ qabatlayıcı yazılı şekilde ketirgen delillerini kösterdi. Bu – tehnik ekspertizalarnıñ neteceleri edi. Olarğa köre, Çiygoz videoda qayd etilmegen.

«Qabaatını tanığan Kantemirov ve Yunusovnıñ adları seslendirildi. Birincisi Çiygoznı körgeni aaqında ayttı, ekincisi ise Çiygoz o yerde olmaq mümkün olğanını ayqan», – qayd etti advokat.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG