Link açıqlığı

Poroşenko BM Teşkilâtında Qırım boyunca rezolütsiyanıñ qabul etilmesi – adaletniñ ğalebesi olğanını ayttı


Arhiv resimi, sentâbr 2016 senesi

Ukraina prezidenti Petro Poroşenko noyabr 15 künü BMT General Assambleyasınıñ Üçünci kömütet toplaşuvında baqılğan «Qırım Muhtar Cumhuriyeti ve Aqyar şeerinde (Ukraina) insan aqlarınıñ vaziyeti» rezolütsıyanıñ qabul etilmesini alğışladı.

Öz Twitter saifesinde Poroşenko vesiqanıñ qabul etilüvini «adaletniñ ğalebesi» olaraq tanıttı, ve «Ukraina parçası olğan Qırımnı azat etmek içün halqara uquq bazasınıñ küçlendiremiz», dep qoştı.

Birleşken Milletler Teşkilâtı Baş assambleyasınıñ üçünci komiteti toplaşuvında noyabr 15, salı künü Ukraina teşebbüsi ile azırlanılğan «Qırım Muhtar Cumhuriyeti ve Aqyar şeerinde (Ukraina) insan aqlarınıñ vaziyeti» rezolütsiyası qabul etildi.

Mezkür rezolütsiyada BMT vesiqalarında ilk kere Rusiye «işğalci-devlet» olaraq adlandırıldı, Qırım Muhtar Cumhuriyeti ile Aqyar ise – «vaqıtınca işğal etilgen topraqlar».

Rezolütsiyağa 73 devlet qol tuttı, 23 – qarşı çıqtı, 76 – bitaraf qaldı. Qarşı rey bergenlerniñ arasında – Ermenistan, İran, Belorusiye, İndistan, Qıtay, Qazahistan, Rusiye, Özbekistan.

XS
SM
MD
LG