Link açıqlığı

«Çiygoznıñ işi» boyunca mahkeme qabaatlayıсı qarar alacaq – advokat


Arhiv resimi: Ahtem Çiygoznı politsiya maşnasından çıqaralar, Aqmescit, 15 mayıs 2015 senesi

Qırımtatar Milliy Meclis reisiniñ muavini Ahtem Çiygoznıñ advokatı – Nikolay Polozov emin ki, Rusiye kontrolündeki Qırım Yuqarı mahkemesi onıñ müsterisine qarşı qabaatlayıcı qarar çıqaracaq.

Qırım.Aqiqatqa 15 noyabrde bergen izaatında Polozov qayd etti ki, «mahkemeciler endi özüni tutmaylar, qabaatlağanlanlarnıñ tarafını tutalar», ve çoqusı şaatlar Çiygoznıñ qabaatını tasdiqlap olamasalar bile, mahkeme bir-qaç «gizli şaatnıñ» malümatına esaslanacaq.

«Mesele şunda ki, Ukraina vatandaşlarına qarşı Rusiyede ve işğal etilgen yerlerde alıp barılğan iç bir mahkemede iç bir aqlayıcı qarar alınmağan edi. Butün bu qararlar evelden belgilene ve, elbette ki, Çiygozğa qarşı şaatlıq etmegenlerniñ malümatları qararnıñ esasına qoyulmaycaq», – dedi Polozov.

Qırımtatar Milliy Meclis reisiniñ muavini Ahtem Çiygoznıñ işi boyunca mahkemede yuzden ziyade insannı sorğudan keçirdiler, olardan iç biri qabaatlanğanğa qarşı şaatlıq etmedi.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG