Link açıqlığı

Rusiyelilerniñ üçte ekisi (63 faizi) Vladimir Putinni onıñ prezidentlik muddeti bitken soñ 2018 senesi kene Rusiye prezidenti vazifesinde körmege istey. 2012 senesi oktâbr ayından berli bu eñ yüksek köstergiç. Bunı «Levada-Center» tarafından keçirilgen soravnıñ neticeleri köstere.

Dört yıl evelsi Putinni 2018 senesi prezident olaraq körmege istegenlerniñ sayısı aman-aman eki qat eksik edi – 34 faiz edi, 2014 senesi olar ende yarıdan çoqunı teşkil ete ediler, deyler cemiyetşınaslar.

Aunı zamanda, Putinniñ yañı müddetke saylanılğanını istemegenler 2012 senesinden soñ eki qat eksildi – 40-tan 19 faizğa qadar tüştü. Soravdan keçkenlerniñ dörtte biri işana ki, 2018 yılına qadar Ruside prezident vazifesinde Putinniñ yerini ala bilecek yañı lider peyda olmaq mumkün. Dört yıl evelsi böyle insanlarnıñ sayısı aman-aman yarı edi – 49 faiz.

Rusiyede prezident saylavları 2018 senesi mart ayında keçirilmek kerek. Müddetten evel saylavlarnıñ keçirilmesi aqqında munaqaşalarnı Kremlde defalarca inkâr ete ediler. Putinniñ özü, nevbetteki sefer devlet yolbaşçısı vazifesine öz namzetini teklif etecegi aqqında qarar daa almağanını dey edi.

«Levada-Center» sentâbr 5 künü Rusiye Adliye nazirligi tarafından «çetel agentler» cedveline kirsetilgen edi. Bundan bir-qaç kün evel cemiyetşınaslar saylavlar ögünde «Yedinaya Rossiya» firqasınıñ itibarı tüşkenini köstergen ediler.

XS
SM
MD
LG