Link açıqlığı

Rusiye prezidenti Vladimir Putin noyabr 15 künü imzalağan fermanı ile memleketniñ İqtisadiy inkişaf naziri Aleksey Ulükayevni işten boşattı, dep bildire Radio Svoboda.

Fermanda yazıla ki, Ulükayev «işançtan çıqqanı sebebinden» boşatıldı.

Bundan evel, salı künü, 15 noyabrde Rusiye paytahtınıñ Basman mahkemesi, taqiqatnıñ ricası ile, Ulükayevni ev apisine maküm etti. Oña qarşı Rusiye Cinaiy kodeksiniñ 6-cı qısımı 290-ci maddesi (ğayet büyük kölemde habarnıñ alınması) boyunca iş açıldı.

Ulükayev özü bu qabaatnı inkâr ete.

Aleksey Ulükayevni tutumcılıq ve habarcılıqta qabaatlaylar: onı salığa keçer gecesi, 15 noyabrde, eki million dollar miqdarında habar alğanı vaqıtta yaqaladılar. Haber etilgenine köre, böyle habar «Başneft» kompaniyasınıñ «Rosneft» kompaniyasına satılmasına dair nazirlikniñ razılığını almaq içün beriler edi. Bunen beraber, bilfirile ki, o bu habarnı talap etip, akis alda «Rosneft» faaliyeti ögünde manialar çıqaracağınen qorquta edi. Şirketniñ icra müdiri ise Rusiye prezidentiniñ yaqın dostı İgör Seçin ola.

XS
SM
MD
LG