Link açıqlığı

Ceppar: 23 memleket Qırımğa dair BM rezolütsiyasına qarşı rey berdi, olar arasında – Ermenistan, Belorusiye, Qazahistan, Rusiye


Birleşken Milletler Teşkilâtı Baş assambleyasınıñ üçünci komiteti toplaşuvında noyabr 15, salı künü Ukraina teşebbüsi ile azırlanılğan «Qırım Muhtar Cumhuriyeti ve Aqyar şeerinde (Ukraina) insan aqlarınıñ vaziyeti» rezolütsiyası qabul etildi.

Rezolütsiyağa 73 devlet qol tuttı, 23 – qarşı çıqtı, 76 – bitaraf qaldı.

Rezolütsiyağa qarşı rey bergenler arasında – Ermenistan, İran, Belorusiye, İndistan, Qıtay, Qazahistan, Rusiye, Özbekistan, Suriye, Sudan, Sırbistan, Venesuela. Bunı Facebook saifesinde Ukraina Haber siyaseti naziriniñ birinci muavini Emine Ceppar bildirdi.

Mezkür rezolütsiyada BMT vesiqalarında ilk kere Rusiye «işğalci-devlet» olaraq adlandırıldı, Qırım Muhtar Cumhuriyeti ile Aqyar ise – «vaqıtınca işğal etilgen topraqlar».

XS
SM
MD
LG