Link açıqlığı

2016 senesiniñ on ayı içinde «Aqmescit» halqara ava limanınıñ yolcular sayısı 2015 senesine köre 3%-ğa 4,79 million insanğa qadar arttı. Bunı noyabr 15-de ava limanınıñ matbuat hızmeti bildire.

Ava limanı qayd ete ki, qabul etilgen ve yollanılğan yük 14,3%-ğa arttı, taşılğan bagaj ise 65,3%-ğa artıp, 44,7 mln kilogrammnı teşkil etti.

Matbuat hızmeti qayd ete ki, ava limanı yolcularınıñ 83,7%nı aqımdaki seneniñ 10 ayı içinde «Aeroflot», «Globus», «Rossiya», «Uralskiye Avialinii», «Vim avia» ve «Red Vings» ava şirketleri taşıdı.

«Taşımalarnıñ lideri «Uralskiye avialinii» ola – 876 456 yolcu bu ava şirketiniñ hızmetinden faydalandı, bu 2016 senesiniñ 10 ayı içinde yolcularnıñ 18,28%-nı teşkil etmekte», – dep qayd etti matbuat hızmeti.

2015 senesi noyabr ayında Ukraina Nazirler şurası Rusiye aviatsiyasına Ukraina ava boşluğını qullanmağa yasaq etti. İşbu yasaq em arbiy, em de grajdan uçaqlarına aittir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG