Link açıqlığı

Qırım siyasetşınası ve cemaat faali Lenur Usmanovnıñ fikirince, şimdiki Qırım cemiyetiniñ eñ müim problemlerinden biri – Qırımda «Yedinaya Rossiya» akimiyet firqası içün kerçek bir siyasiy raqip olmamasıdır. Bunı o noyabr 15-de Qırım.Aqiqatqa ayttı.

«Qırımda siyasiy muhalifet yoq. İçtimaiy ağlarğa baqıñız, Qırımda birisi akimiyetni tenqit etemi? Kommunistler, LDPR ya da Adaletli Rusiye? Olarnıñ tenqidini körmezsiñiz. Bugün akimiyetni yalıñız cemaat faalleri tenqit ete. Elbet, saylavlarğa daa az insan kelecek, çünki Qırımda akimiyetniñ siyasiy muhalifeti yoq», – dep ayttı siyasetşınas.

Onıñ zanınca, bugünde-bugün qırımlılar «ğalipler taqımınıñ» alternativası olaraq tanılğan ve açıq-açıq akimiyetni tenqit etmege qorqmağan cemaat faallerini köre.

«Yavaş-yavaş Qırımda yañı cemaat elitası şekillene, adamlar «ğalipler taqımınıñ» alternativasını köre ve onıñ vekilleri yañartılğan Qırım akimiyetine kirecektir», – dep ayttı Lenur Usmanov.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG