Link açıqlığı

Saatnıñ esas haberi

«Ukrtransgaz» Qırımdan Geniçeskke gaz kelgenini red etti


Tasviriy resim
Tasviriy resim

Herson vilâyetindeki Geniçesk şeerine işğal etilgen Qırımdan gaz ketirilmey. Bunı noyabr 13 künü«Ukrtransgaz» metbuat kâtibi Maksim Bilâvskiy öz Faceboogında bildirdi.

«Ukraina vaqıtınce işğal etilgen Qırımdan gaz almay, «Ukratransgazda» böyle malümat yoq», – dep yazdı Belâvskiy.

Onıñ sözlerine köre, Geniçesk künde 31,2 biñ kubometr gaz qullana, «yerli istisal ise ondan bayağı çoqça».

«Gaz yeterli. Onıñ içün işğalçilerniñ lafları – bu sadece maqtançaqlıq ve haber ücümıdır», – dedi Belâvskiy.

Bundan ögüne bir sıra haber vastaları bildirdiler ki, sanki Rusiye prezidenti Vladimir Putin «ukrain şeeri Geniçeskni gaznen teminlemege yardım etmege avale etti».

Ayrıca, Kreml kontrolündeki Qırım akimiyetiniñ yolbaşçısı Sergey Aksönov Rusiye prezidenti Vladimir Putinge «Ukrainadaki Geniçesk şeerini Qırım gazınen teminlemege» teklif etti. Aksönov daa dedi ki, sanki 2016 senesi yarımadadan Geniçeskke gaz endi yollanıla edi ve neticede «Çernomorneftegaz» ögünde 18 million ruble miqdarında borç peyda oldı.

Qırım.Aqiqatqa bergen izaatında Geniçesk şeer yolbaşçısı Aleksandr Vorobyov Qırımdan qoşma gaz kelgenini tasdiqlamadı ve qayd etti ki, bügünki künde qoşma gazğa ihtiyaç yoq.

XS
SM
MD
LG