Link açıqlığı

Saakaşvili yañı siyasiy firqanı meydanğa ketirdi, maqsadı – Ukrainada vaqıtından evel saylâvlar keçirmek


Miheil Saakaşvili Kyivte keçirilgen matbuat konferentsiyasında, 11 noyabr 2016 senesi

Odessa vilâyeti devlet idaresiniñ sabıq yolbaşçısı Miheil Saakaşvili noyabr 11 künü «yañı keniş siyasiy küçni» meydanğa ketirgeni aqqında ilân etti, onıñ maqsadı Ukrainada vaqıtından evel saylâvlar keçirmektir. Bunı Radio Svoboda bildire.

«İstifağa ketken soñ, men dostlarımnen çoq qonuştım. Aytmağa istegenim, biz yañı keniş siyasiy firqanı meydanğa ketiremiz, yañı küçler platformasını. Bizim maqsadımız – şimdiki siyasiy ziyallılarnı, asılında ise cematımıznıñ çöplügi ve kirli bazarcılar olğan o toplumnı deniştirmek, olar Yuqarı Şura, Nazirler Şurası ve Ukrainanıñ bütün ükümetini kontrol eteler. Maqsadımız eñ qısqa zamanda nevbetten tış parlamenr saylâvlarını keçirmege», – dedi Saakaşvili matbuat konferentsiyası devamında.

Onıñ aqytqanına köre, yañı siyasiy küçke Yuqarı Radada bir müddetten çoq bulnğan ya da icra akimiyetinde eki-üç yıldan ziyade vazifede bulunğan, ya da büyük iş adamı olğan iç kimse qabul etilmeycek.

«Biz iş adamlarına qol tutacamız, amma olarnı siyasetke yibermeycemiz», – dedi Saakaşvili.

Miheil Saakaşvili noyabr 7 künü istifağa ketecegi aqqında ilân etti. Böyle qararınıñ sebebi – vilâyette olğan habarcılıq olğanını ayta.

Noyabr 9 künü Ukraina Nazirler Şurası Saakaşviliniñ Odessa VDİ yolbaşçısı vazifeden boşatılmasını uyğnalştırdı.

Ukraina Prezidenti Petro Poroşenko Odessa vilâyetiniñ devlet idare yolbaşçısı vazifesinden Miheil Saakaşvili boşatılğanı aqqında emirini imzaladı. Diger emirinen Poroşenko Saakaşvilini Ukraina prezidentiniñ serbest mesleatçısı vazifesinden boşattı.

Poroşenko Saakaşviliniñ qararını izaatlap «o siyasiy kampaniya başlatacaq olğanını» ayttı.

XS
SM
MD
LG