Link açıqlığı

AQŞ saylavlarında Trump saylanılğan soñ AB Ukrainağa nisbetten siyasetini deñiştirmeyceginde işandırdı


Federica Mogherini. Arhiv resimi

Avropa Birliginiñ Tışqı işleri ve telükesizlik siyaseti boyunca Baş temsilcisi Federica Mogherini, AQŞ prezidenti vazifesine Rusiyege meil bergeni kibi körüngen Donald Trump saylanılğan soñ Avropa Birliginiñ Ukrainağa nisbetten siyaseti deñişmeycegini beyan etti. Bunı noyabr 11 künü Radio Svoboda haber ete.

AB siyasetini Washington belgilemey, dedi o «Deutsche Welle» haber agentligine.

Ayrıca, Mogherini Avropa Birligi ileride de Qırımnıñ Rusiye tarafından işğal etilgenini qanunsız tanıycağını ayttı.

«Bizim Ukrainağa, onıñ topraq bütünligine bergen destegimiz deñişmesiz qalacaq», – dep ayttı o.

Saylanılğan AQŞ prezidenti olacaq Donald Trump saylavaldı kampaniyası devamında bir-qaç kere Rusiyege ve prezident Vladimir Putinge meil bergenini köstergen beyanatlar seslendire edi, ve işğal etilgen Qırımnı Rusiyeniñ qısımı olaraq tanımağa mumkün olğanını ihtimal ete edi.

XS
SM
MD
LG