Link açıqlığı

Kremlin idaresi işğal etilgen Qırımda arbiy küçüni arttırmağa devam ete, arbiy bazalarını keñişlete ve bozulğan sovet infrastrukturasını tamirley. Bunı Viyanada OSCE Daimiy şurasunıñ toplaşuvında AQŞ elçisi Daniel Baer bildirdi. Onıñ sözleri OSCE-deki AQŞ eyyetiniñ sitesinde yerleştirilgen.

«Biz Daimiy şuranıñ diqqatını kene de ukrain yaramadası Qırımnıñ Rusiye terafından işğal etilgenine celp etemiz. Rusiye Qırımda yerletirilgen ordusını arttıra, RLS «Dnepr» kibi sovet devirinden qalğan infrastrukturanı qayırdan qullanıp başlay, bazalarını keñişlete ve ukrain topraqlarında ket-kete arbiylerniñ sayısını arttıra», – dep qay etti AQŞ temsilcisi.

Onıñ sözlerine köre, bu ordularınıñ tışta, ukrain yarımadasında arttırılması olaraq tanıla, «böyle areketler Ukrainadan ruhset alınmayıp, onıñ suverenitetini ve topraq bütüligini bozıp yapıla».

Qoşma Ştatlarınıñ OSCE-deki elçisi Qırımda insan aqlarını bozulmasınen de raatsız olğanını bildirdi.

«Bu afta daa altı qırımtatarı mecburiy psihiatrik ekspertizağa yollanıldı. Bunı sebebi – rus işğaline qarşı çıqqanlarıdır», – dedi amerikalı diplomat.

Bundan ğayrı o 19 qırımtatarı, Ukrainada yasaqlanmağan, lâkin Rusiyede yasaq etilgen «Hizb ut-Tahrir» teşkilâtında aza olğanlarında qabaatlanıp, apiske alınğanlarını hatırlattı.

XS
SM
MD
LG