Link açıqlığı

Saatnıñ esas haberi

Türkiye devlet yolbaşçısıBelorusiye paytahtında cami açtı


Recep Tayip Erdoğan ve Belorusiye prezidenti Aleksandr Lukaşenko cami açılışındalar, Minsk, 11 noyabr 2016 senesi
Recep Tayip Erdoğan ve Belorusiye prezidenti Aleksandr Lukaşenko cami açılışındalar, Minsk, 11 noyabr 2016 senesi

Türkiye prezidenti Recep Tayip Erdoğan Belorusiyede ötkergen ziyareti devamında memleketniñ paytahtı Minsk şeerinde yañı Cuma caminiñ açılışında iştirak etti, dep bildire Radio Svoboda.

Belorusiye kütleviy haber vastalarında ketirilgem sözlerinde Türkiye devlet yolbaşçısı «yañı cami belorus ve türk halqlarınıñ dostluğına timsal olacağını» qayd etti.

Türkiye cami qurulışınıñ soñ qısımını ödedi. Qurılış Suudi Arabistannıñ paralarına yapılıp başlanğan edi ve 19 yıl devam etti.

Cami qurulğan yerde evelden de cami tura edi, lâkin eski bina sovet-kommunist devirinde bayağı zarar körgen edi.

Belorusiyede şimdige qadar on biñ insan nufuzında lipka-tatarlar yada polonya-litvaniya tatarlar cemiyeti yaşay, ecdatları – 14-ci asırda Büyük Litvaniya Knâzlığına köçken qırımtatar ve İdil tatarları edi. O zamandan berli olar öz tillerini coydılar ve zemaneviy Belorusiye, Litvaniya ve Poloniya tillerine keçtiler, lâkin olarnıñ çoqusı öz dinini ve medeniyetini saqlağanlar.

XS
SM
MD
LG