Link açıqlığı

Saatnıñ esas haberi

«Yañı Qırım» gazetası ağır vaziyetke oğrap qapatıla


18 mart 2016 senesinden arhiv resimi: «Novıy Krım» gazetasından maqale
18 mart 2016 senesinden arhiv resimi: «Novıy Krım» gazetasından maqale

Yaqın zamanda Qırımda er aftalıq «Novıy Krım» («Yañı Qırım») gazetası işini toqtatacaq. Bunı neşriat öz saifelerinde haber ete.

2016 senesi noyabr 10 künü tarihı ile çıqqan aftalıq gazetada baş muarrirniñ imzası ile böyle muracaat yazılğan: «Muaririyetniñ ağır tehnik ve maddiy vaziyeti olğanı sebebinden biz noyabr 17 kününden soñ «Novıy Krım» er aftalıq gazetanı derc etilmekten vazgeçmek mecburiyetindemiz».

Muarriyet daimiy oquyıcı ve abunecilerden «samimiy afu sorap», «ancaq añlacaqlarına» ümüt etkenini bildire. Yazıda, gazeta 2017 senesi içün abunelik bermeycegini bildirile.

«Novıy Krım» er aftalıq gazetası 2014 senesi avgust ayında işini başladı. Muaririyetniñ siyaseti – Qırımda olıp keçken siyasiy ceryanlarnı desteklemekten ibaret edi.

Açıq menbaadan alınğan malümatqa köre, gazetasınıñ tesisçisi ve neşir eticisi – SMC (Sıñırlı mesüliyet cemiyeti) «Novıy Krım», baş muarrir – İgor Azarov. Aslında neşirniñ saibi «Çernomorneftegaz» şirketiniñ sabıq baş müdiri, qırımlı iş adamı, ATS «ТES» saibi Sergey Beym ola. Er aftalıq neşir 10 000 nusha ile derc etile edi. Gazeta cümaaqşamı künleri çıqa edi.

XS
SM
MD
LG