Link açıqlığı

Saatnıñ esas haberi

Ukraina Milliy politsiyasında Qırım idaresiniñ yolbaşçısını taqdim ettiler


Noyabr 10 cümaaqşamı künü Ukraina iç işler nazirniñ muavini Sergey Yarovoy ve Milliy Politsiya yolbaşçısınıñ birinci muavini Vadim Troyan hadimler taqımına regional yolbaşçılarnı taqdim ettiler. Bunı ükümet sitesi bildire.

Böylece, Qırım Muhtar Cümhuriyeti ve Aqyar şeheriniñ Milliy Politsiya baş idaresiniñ yolbaşçısı 58 yaşındaki Anatoliy Bahçivanci oldı. Bundan evel o Ukraina Milliy Politsiya yolbaşçısınıñ iş teminleme departamentinde mesleatçı vazifesinde bulundı.

Ondan ögüne Milliy Politsiyanıñ Qırım boyunca baş idaresiniñ yolbaşçısı İçki işler nazirliginiñ Alupka ve Kezlev şeer idareleriniñ sabıq yolbaşçısı İvan Katerinçük edi, lâkin o istifağa ketti.

2015 senesi iyün 16 künü Ukraina İçki işler nazirligi Qırım Muhtar Cümhuriyeti boyunca mahsus İİN idaresini teşkil etken edi. Müessisenıñ merkezi Odessada yerleşe.

XS
SM
MD
LG