Link açıqlığı

Kyivte qırımtatar yırcılarınıñ iştiraginen ilk gala-kontsert keçirilecegi ilân etildi


Qırımtatar artistleriniñ Çonğardaki kontserti, sanada Elzara Batalova ve Cemil Karikov, 21 sentâbr 2015 senesi

Kyivte qırımtatar yırcılarınıñ «Vatan Sesi» adlı ilk büyük kontserti keçirilecek. Merasim aqqında ilân «Musafir» qırımtatar qavehanesiniñ Facebook saifesinde yerleştirilgen.

«Vatan Sesi» - böyle şıar ile kontsert teşkilâtçıları Ukrainada ilk kere bir sanada eñ parlaq qırımtatar icracılarını toplamağa niyetliler. Üsein Bekirov, Elvira Sırahalil, Elina Sosnovskaya, Seyran 7/62 – bu ve daa çoq diger artistler Kyivteki event-hall Freedom sanasında noyabr 27, bazar künü, saat 19.00 (Kirillovskaya soq., 134) icra etecekler», – dep aytıla ilânda.

Aqşamnıñ esas yırcısı – Ukraina halq artisti, «Eurovision-2016» halqara yarışınıñ ğalibi, qırımtatar yırcısı Jamala.

XS
SM
MD
LG