Link açıqlığı

Çiygoznıñ işi boyunca mahkeme toplaşuvında video-bağ bozulğanı sebebinden tenefüs ilân etildi


Ahtem Çiygoz. Arhiv resimi

Noyabr 10 künü Çiygoz işi boyunca mahkeme toplaşuvında video-bağ bozulğanı sebebinden tenefüs ilân etildi. Bunı Twitterde advokat Nikolay Polozov yazdı.

«Çiygoznıñ işi kene toqtatıldı– video-bağ bozulğan», – dep yazdı Polozov.

Ondan da ğayrı o noyabr 10 künü qabaatlağanlar tarafnıñ ekinci «şaatı» Skripka Valeriy sözde bulunmaq kerek olğanını bildirdi. Birinci «şaat» – Kovalçük Andrey olğan.

Noyabr 1 künü Rusiye nezaretinde olğan Qırım Yuqarı Mahkemesinde dört şaat sorğudan keçirildi, amma Polozovnıñ qayd etkenine köre, olar qabaatlanğannıñ aqqında bir şey aytıp olamadılar.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG