Lvivte 11 noyabrde sovet dissidentleri ve sabıq siyasiy mabuslarnıñ iştiragi ile Qırım forumını keçirmege planlaştıralar. Bunı Qırım.Aqiqatqa dissident, Ukraina Helsinki gruppasınıñ azası, forum iştirakçisi İosif Zisels bildirdi.
«Qırım forumı 2012 senesi Aqmescitte tesis etilgen edi. Biz bu forumnıñ işini Lvivte devem ettirmege istedik, çünki şimdi Qırımda onı yapmağa imkânsızdır», – dedi Zisels.
Forumda qırımtatarlarnıñ lideri, sabıq siyasiy mabus Mustafa Cemilev iştirak etecek. İştirak etmek niyetini Qırımtatar Milliq Meclis reisi, Ukraina millet vekili Refat Çubarov ta tasdiqladı.
Forumnı teşkil etmek ğayesi 2012 senesi Qırımda Mustafa Cemilevniñ daveti ile qırımtatar halqı süglünliginiñ 68 yıllığı kününde keçirilgen dissidentler ve sabıq siyasiy mabuslar körüşüvinde peyda olğan edi.
