Link açıqlığı

Saatnıñ esas haberi

Saylavlarnıñ ğalibi kim olsa da AQŞ Ukraina içün ortaq qalacaq – Yovanovitch


Marie Yovanovitch, arhiv resimi
Marie Yovanovitch, arhiv resimi

Amerika Qoşma Ştatları, prezidentiñ kim olacağına baqmadan,Ukraina içün işançlı ortaq qalacaq. Bunı, Radio Svoboda muhbiriniñ aytqanına köre, noyabr 9 künü saba Ukrainadaki AQŞ elçisi Marie Yovanovitch beyan etti.

«Bu yerde oqadar çoq olğan Ukrain dostlarıma muracaat eter ekenim, bir şeyde emin olğanımnı aytmağa isteyim: keçici müddet vaqıtında da, yañı idare qurulğan vaqıtta da, yolbaşçımız kim olğanına baqmadan, AQŞ Ukraina içün küçlü ortaq olacaq», – dedi Yovanovitch Kyivte, AQŞ elçiliginde haber vastalarınıñ vekillerinen subetleşken vaqıtta.

Diplomat emin ki, Ukrainada yapqan tecavuzları sebebinden Rusiyege qarşı qullanılğan yatırımlar devam ettirilecekler.

AQŞ prezident saylavları yekünlendi. Soñki olaraq saylav bölgeleri eñ şimaliy Alaska ştatında qapatıldı. Kyiv saatine köre, Bu saat 8:00 oldı.

İlk saylav necileriniñ esabına köre, AQŞ prezident namzetleri arasında cumhuriyetçi Donald Trump ğalebege yaqınlaştı. Kyivte saat 8:40 olğanda kerekli olğan 270 reyden onıñ 264 reyi bar edi.

XS
SM
MD
LG