Link açıqlığı

Cumhuriyetçi Parti tarafından teklif etilgen namzet Donald Trump saylav kampaniyasınıñ ğalibi oldı. Wisconsin ştatında üstün çıqıp, o kendisi içün 276 saylavcınıñ reyini elde etti, ve Qoşma Ştatlarınıñ prezidenti olaraq saylanıldı.

AQŞ prezident saylavlarında ğalip olmaq içün 270 saylavcınıñ reyi kereklidir.

Ohio, Florida ve North Carolina kibi esas ştatlarda birinci olıp, Trump bayağı ögge çıqtı. Hillary Clinton ise saylavcılar eyyeti azaları arasında 215 rey qazana bildi.

Trump Texas ve Missouri ştatlarında ğalip oldı, Clinton ise New-York ve Californiada muvafaqiyeti oldı.

Saylavlarnıñ soñ neticesi North Carolina, Michigan, Wisconsin, New Hampshire ştatlardaki neticelernen bağlıdır. Közeticiler qayd eteler ki, saylavlardan aldın çoqusı soravlarda Clinton ögge çıqa edi, lâkin Trump bir sıra ştatlarda beklenilgeninden daa yahşı necilerge irişti.

XS
SM
MD
LG