Link açıqlığı

Ukraina, evelleri kibi, işğal etilgen Qırımda yolculıqlarnıñ havfsızlığını teminlep olamay, çünki demir yol naqliyat qurulışını kontrol etmey. Bundan sebep qıtaiy Ukraina ve işğal etilgel Qırım arasında demir yol alâqasını ğayırdan qurmaq meselesi daa muzakere etilmey. Bunu Qırım.Aqiqat Radiosınıñ efirinde Dnepr boyu Ukraina demir yollarnıñ filial temsilcisi İrina Kozlova bildirdi.

«Yollar, kontakt ağları nasıl vaziyette olğanlarını biz bilmeymiz. Novoalekseyevka-Canköy yolunıñ sıñırdaki qısımında. Buña köre, biz böyle yolculıqlar tehnikiy ceetten yapıla bileceklerini aytıp olamaymız», – qayd etti o.

2014 senesi dekabr ayında Ukraina yarımada ile transport alâqalarını üzdi. Qırım işğalinden sebep yolcularnıñ havfsızlığını teminlemek içün «Ukrzaliznıtsâ» trenlerniñ Novoalekseyevka ve Hersonğa qadar qatnaycağını ilân etti. Bundan ğayrı, 2014 senesi dekabr 26-dan itibaren Ukrainanıñ esas qısmı ve Qırım arasında bir de bir yükni demir yol naqliyatı vastasınen taşımaq yasaq etile.

Qırım 2014 sesesi Rusiye tarafından işğal etilgen soñ «Ukrzaliznıtsâ» teşkilâtına ait olğan Dnepr boyu demiy yollarınıñ yarımadada yerleşken Qırım müdirligi esasında «Qırım demir yolu» müessisesi açılğan edi. 2015 senesi dekabrde bu müessise Rusiye mülkiyetine, demir yol naqliyatınıñ agentligi (Rosjeldor) idaresine teslim etildi. 2016 senesi yanvar ayında o FDUT «Qırım demir yolları» teşkilâtına çevirildi.

XS
SM
MD
LG