Link açıqlığı

Noyabr 8, salı künü Yaltada taacip etecek qadar sıcaq ava oldı. Bunı Qırım.Aqiqatqa yerli sakinler haber etti.

«Yalı kenarında insanlar tişörtlar ile kezine ediler. Tışta pek issi edi, klumbalarda alâ daa güller aça», – dedi Yaltalı qadın.

Şeerde noyabr 8 künü sıcaq ölçerleri kündüz +20 derece kösterdiler.

Yarımadanıñ Ava Merkezi öz sitesinde bildire ki, bütün afta devamında Qırımda cenübiy tsiklonlar üküm sürecektir, bu sebepten anormal isinüv qayd etile.

Közetüv alıp barılğan zaman devamında 8 noyabr künü Aqmescitte eñ sıcaq ava 2000 senesi qayd etilgen edi (+24,6 °С), eñ suvuq ava ise (-6,5 °С) böyle künde – 1920 senesi olğan edi.

XS
SM
MD
LG