Link açıqlığı

Avropa Birligi Qırım memurlarına qarşı yañı cezalar kirsete – Reuters


Avropa Birligi memleketleriniñ maliye nazirleri şurası salı künü, noyabr 8-de, işğal altındaki Qırımda çalışqan memurlarğa qarşı yañı cezalarnı kirsetmege qarar aldı, dep bildire Reuters.

«Şura ceza sıñır tedbirleri çerçivesinde Ukraina topraq bütünligini bozğan areketlerden sebep insanlarnıñ yañı cedvellerini tizdi», – dep bildirdi Slovakiya maliye naziri Peter Kazimir şura toplaşuvından soñ olıp keçken matbuat konferentsiyasında.

Agentlikniñ bergen malümatına köre, Avropa Birliginiñ ceza cedvelinde – Qırım işğali ve Ukraina Şarqındaki Rusiye istilâsına qoltutqanından Avropa Birligine kirişi yasaq etilgen 150-den ziyade insan ve Avropa Birliginde esapları buzlatılğan 37 şirket bar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG