Link açıqlığı

Aqyarda kommunistler oktâbr avdarmasınıñ 99-ıncı yıllığını yürüş ile qayd etti


Aqyarda oktâbr avdarmasınıñ 99-ıncı yıllığını munasebetinen keçirilgen kommunistler yürüşi

İşğal altındaki Aqyarda Rusiye Federatsiyasınıñ Kommunistler firqasınıñ (RFKF) şeer komiteti oktâbr avdarmasınıñ 99-ıncı yıllığını miting ve yürüş keçirip qayd etti. Bunı Qırım.Aqiqat mühbiri bildire.

Mühbirniñ aytqanına köre, tedbirler başlamazdan evel Aqyar kommunistleriniñ reberleri Soñsuz ateşke çeçeklerni qoydı.

Mitingni RFKF şeer komitetiniñ reisi Vasiliy Parhomenko açtı. Onıñ aytqanına köre, 1917 senesi olıp keçken «oktâbr avdarmasından» soñ «içtimaiy adalet zamanı» keldi. Vasiliy Parhomenko «inqilâp qazanğan içtimaiy eyiliklerni yoq etken dünya bayları» halqnıñ şimdiki ağır vaziyetinden mesülietli olğanını ayttı.

Aqyarda oktâbr avdarmasınıñ 99-ıncı yıllığını munasebetinen keçirilgen kommunistler yürüşi

Aqyarda oktâbr avdarmasınıñ 99-ıncı yıllığını munasebetinen keçirilgen kommunistler yürüşi

Bundan ğayrı, mitingde RFKF rayon bölükleriniñ reberleri çıqışta bulundı, olar admiral Kolçak, general Denikin ve diger «çar generallarınıñ» abideleri tiklenmesine qarşı çıqtılar.

Mitingden soñ Nahimov caddesi boyunca RFKF şeer komitetine qadar yürüş olıp keçti.

Noyabr 5-de Aqyar kommunistleri şeerde risalelerni tarqatıp, «oktâbr inqilâbınıñ» 99-ıncı yıllığına bağışlanğan miting ve numayışqa qoşulmağa çağırdılar. Tedbir şiarı – «İşçilerniñ akimiyetine sen ve men qoltutamız, noyabr 7 bizim künümiz».

Soñki yılları noyabr numayışında bir qaç yüz kişi iştirak ete. Bu sene teşkilâtçılar eki yüz iştirakçini celp etmege planlaştıra. Kommunistlerden ğayrı, bayramğa veteran, komsomolcı ve arbiy cemaat teşkilâtlarınıñ azaları kelecek.

XS
SM
MD
LG